vatnsdeigsbollurnar sem F gerði

ég fæ sirka 18 ágætlega stórar úr þessari uppskrift, hún er af uppskriftarvefnum sem er snilldarvefur.

Vatnsdeigsbollur

2,5 dl vatn 50 g smjörlíki salt á hnífsoddi 175 g hveiti 4-6 egg 2 tsk. lyftiduft. Rjómi ávaxtamauk brætt súkkulaði.

Vatn, smjörlíki og salt soðið. Tekið af hellunni þegar sýður og hveitið hrært út í. Sett á helluna aftur og hrært vel í mínútu. Þá er deigið sett í skál og látið kólna. Svo eru eggin, eitt og eitt í senn, hrærð saman við þar til deigið er hæfilega þykkt. Þá er lyftiduftið sett út í. Sett á hveitistráða plötu með skeið eða sprautupoka. Bakað við 180°C í ca. 30 mín. Fyrstu 20 mínúturnar má EKKI opna ofninn, því þá falla bollurnar. Að bakstri loknum er toppurinn skorinn af og rjómi og ávaxtamauk sett á milli. Súkkulaði brætt ofan á toppinn. Etið með góðri lyst.

graflaxinn hennar D!

Graflax:

1/8 svartur pipar
2 salt
2 sykur
1 1/2 dill
1 fennelfræ (1/2 ef það er duft)
1 sinnepsfræ

þessu er blandað saman (magn eftir stærð fisksins). Það má bara nota laxarflök sem hafa frosið (einhverjir ormar sem þurfa að drepast). Laxinn er þveginn, þurkaður lagður á álpappír og kryddblöndunni stráð yfir. Laukur er síðan skorin smátt niður og stráð yfir (þykkt lag). Öllu er pakkað síðan inn í álpappírinn og látið í kæli í sólahring. Þá er fiskurinn tekin og allt hreinsað ofanaf honum. Ef fólk vill er hægt að frysta fiskinn aftur ef hann á ekki að borðast strax (hreinsa samt gumsið ofanaf honum).
´
Graflaxsósa:

Majónes, sætt sinnep, hunang, dill og matarlitur. - Öllu sullað saman og smakkað til. Best að gera daginn áður þannig að dillið sé búið að taka sig.